Влијанието на социјалните мрежи врз појавата на анксиозност во рана адолесценција

Abstract

Социјалните медиуми и нивната присутност во современото модерно
живеење станаа неизоставен дел на секојдневието на модерниот човек.
Присутноста на социјалните мрежи е неизоставен дел од секојдневното
функционирање на припадниците на сите генерации, а границите од кои започнува
користењето на социјалните мрежи се сè пониски. Иако во голема мера ја
олеснуваат комуникацијата меѓу луѓето и овозможуваат бројни други придобивки
со кои се олеснува целокупното функционирање и пристапноста до информации во
денешницата, сепак, несоодветното и прекумерно користење на социјалните мрежи
исто така има и негативни страни. Особено негативни ефекти од претерано
користење на социјалните медиуми може да се забележи кај адолесцентната
популација која се соочува со бројни психосоцијални и развојни промени, па
неретко изложеноста на премногу информации кои ги примаат неселектирани,
необработени и неразбрани, може да предизвика анксиозност и други потешкотии.
Отуѓувањето од реалниот свет за сметка на негова замена со виртуелната
реалност, за жал, придонесува за намален развој на социјалните вештини и
непосредна врсничка интеракција, што пак, придонесува до зголемена појава на
анксиозност, депресија, несигурности и други ментални проблеми кај младите во
раст и развој на глобално ниво, па и кај нас. Во денешното секојдневие социјалните
медиуми имаат значајно влијание врз адолесцентите. Прекумерното и несоодветно
користење на социјалните медиуми може да доведе до анксиозност, депресија и
ниска самодоверба. Кај активните корисници на социјални мрежи се јавува
притисокот од споредување со други во однос на изгледот, достигнувањата, како и
страв од пропуштање на информации и настани. Прекумерното користење на
социјалните мрежи кај адолесцентите може да предизвика завистност што може да
влијае на нивните училишни обврски и социјализација. Соочувањето со негативни
коментари и онлајн врсничко насилство (Cyber bulling), кое неретко од социјалните
мрежи може да продолжи во реалноста и обратно, може да има сериозни последици
врз нивното ментално здравје.

Keywords:

социјални мрежи, рана адолесценција, анксиозност.