Влијанието на брендот врз конкурентноста и маркетинг комуникациите со потрошувачите на луксузни производи по примерот на Zara и Louis Vuitton

Abstract

Да замислиме хипотетички, што би било доколку сите луѓе во светот би имале ист
изглед? Како би се препознавале и разликувале? Реално, тоа не е така, сите ние меѓусебно
се разликуваме и сме уникатни на свој начин. Истото важи и за производите на пазарот.
Брендот е име, симбол, знак, чија цел е да ги идентификува производите, добрата или
услугите на еден производител од оние на конкурентите. Токму една од клучните аспекти
на деловниот успех денес е во создавањето и одржувањето на силата на брендот. Доколку
се користи правилно, создава вредност и влијание.
Денес, податоците покажуваат дека луксузната индустрија се состои од девет
сегменти, предводени од луксузни автомобили, луксузно гостопримство, луксузна стока и
слично, кои заедно сочинуваат повеќе од 80% од вкупниот пазар. Брендот е
идентификациски симбол, ознака, лого, име, збор или пак реченица што ја користат
компаниите за да се резликува нивниот производ од останатите. Целта е да се направи
брендот незаборавен и што попривлечен за потрошувачот. Добриот бренд создава доверба
кај потрошувачот, а по доброто искуство со еден производ, веројатноста е голема
потрошувачот да проба и друг производ поврзан со истата марка. Ова се нарекува лојалност
на брендот кон верните потрошувачи. Може да се каже дека брендот всушност, е еден вид
на импресии собрани во примамливото и уникатно лого, коишто секој клиент ги добива од
самиот купен производ и компанија. Брендирањето, во суштина, е една од најважните
алатки за успешен бизнис денес.
Без стабилен и конзистентен бренд, растот на компанијата ќе стагнира, или во
најлоша мера сериозно ќе заостане позади конкуренцијата. Од перспектива на клиентот,
брендирањето говори премногу за самиот бизнис. Успешно изградениот бренд, го формира
целосното искуство на потрошувачот со производот и компанијата. Идентитетот, односно
брендот, е она што издвојува од бескрајното море на конкурентите и им покажува на
клиентите кои сте и што може да очекуваат од вас…

Keywords:

производ, бренд, луксуз, лојаност, конкуренција, потрошувач