Значење на онлајн и офлајн факторите за импулсивното купување кај потрошувачите

Abstract

Однесувањето на потрошувачите е одредено од различни фактори, па затоа се
смета за многу комплексно и тешко за предвидување. Целта на ова истражување да се
испитаат и воспостават односите помеѓу различни фактори кои резултираат со
импулсивно купување во традиционална продавница или преку интернет. Примерокот го
сочинуваат 80 испитаници, односном потрошувачи, не помлади од 20 години, вработени,
со приходи кои не се помали од 18.000 денари. За собирање на податоците применети се
следните мерни инструменти: Прашалник за импулсивно купување, Прашалник за
фактори на опкружување на продавницата, Прашалник за ситуациони фактори на
купување и Прашалник за карактеристики на веб – страница. Добиените резултати
покажаа дека постојат разлики помеѓу потрошувачите со различна тенденција кон
импулсивно купување во однос на согледаното значење на факторите на опкружувањето
на продавницата, карактеристиките на веб-страницата и ситуационите фактори на
купување, дека постои поврзаност помеѓу овие офлајн и онлајн фактори и импулсивното
купување кај потрошувачите, а исто така покажаа и дека ситуационите фактори на
купување го посредуваат односот помеѓу факторите на опкружувањето на продавницата,
односно, карактеристиките на веб-страницата и импулсивното купување кај
потрошувачите олеснувајќи ја неговата појава. Резултатите се конзистетнти со
резултатите од претходните истражувања од оваа област.

Keywords:

потрошувачи, импулсивно купување, фактори на опкрружување на
продавницата, карактеристики на веб-страница, ситуациони фактори на купување