Застапеност на психолошкото во Законот за заштита на децата на Република Северна Македонија

Abstract

Социјалната заштита е основата на сите човекови граѓански и социјални права.
Психолошкото во социјалната заштита е еден од круцијалните и суштински негови
аспекти, затоа што социјалната заштита не подразбира само социјална и егзистенцијална
добробит, туку и ментално здравје и добросостојба за што подобро и поквалитетно
севкупно функционирање на поединецот. Особено е значајна социјалната заштита на
децата затоа што тие се иднината на нашето општество. Темата на овој магистерски труд е
да се истражи застапеноста на психолошкото, менталното во законот за заштита на
децата. Идејата потекна од заклучокот дека психолошкото, т.е. појавите и состојбите од
психологијата на детето не се доволно застапени во законот за детска заштита.
Претпоставка на авторката е дека психолошкото е помалку застапено од социјалното,
педагошкото и егзистенцијалното во законот. Авторката смета дека тоа е така заради
недоволната свесност за значајноста на психолошкото во севкупната заштита и добробит
на детето и неговиот најдобар интерес. Со цел да се утврди точноста на хипотезата/те
употребен е метод на анализа на содржина на целиот текст на законот за заштита на
децата од аспект на постоењето на процентуална застапеност на четирите најважни
категории/варијабли: психолошко, социјално, егзистенцијално, педагошко. Потоа се
споредувани застапеностите на сите четири категории и се проверуваат хипотезите. Целта
на трудот е да ја прошири свесноста за важноста на психолошките елементи на законот и
неговата (не)доволна застапеност во истиот со цел таа состојба да се измени во секое
ново надополнување на законот

Keywords:

психолошко, социјално, егзистенцијално, педагошко, детска заштита