Заштита при работа во процесот на производство на челични конструкции

Abstract

Работниците во индустријата за производство на челични
конструкции и челични делови се соочуваат со многу безбедносни ризици
поради природата на работата. Колку добро се следат безбедносните
процедури и прописи во рамките на една организација, се смета дека е
под влијание на владејачката култура на организацијата. Целта на овa
истражување беше да се испита и опише безбедносната култура и
преземањето ризици во компаниите за производство на челични
конструкции во РС Македнија со истражување на работничките искуства и
согледувања за безбедноста, заштитата и ризиците.
За оваа цел беше изготвен, спроведен и анализиран анкетен
прашалник врз вкупно 140 работници. Во прашалникот, за ситуацијата на
безбедноста и заштита при работа со челични конструкции се прашува на
полуструктуриран начин. Материјалот беше анализиран индуктивно
користејќи мета анализа на квалитативната содржина. Анализата
резултираше со детален опис на безбедносната култура, здравјето при
работа и детектирање на ризици кај компаниите во дејноста, засновани
врз следниве пет главни категории: 1. Прифаќање на ризици, едноставно
мора да се прифатат безбедносните ризици од работната средина,
2. Индивидуална одговорност за безбедност, одговорноста за безбедни
процедури е во најголема мерка на секој работник поединечно,
3. Почитување и спроведување на законските норми за безбедност и
заштита при работа во РС Македонија, 4. Важноста на обуките и
комуникацијата, кои се суштински потребни за работните активности да
бидат безбедносни, а со тоа и ефективни и ефикасни и 5. Повредите како
клучен елемент во спроведување на безбедносните мерки.
Во теоријата на социотехнички системи се признава дека постојат
интеракции помеѓу социјалните и техничките фактори во организациите.
Наодите од оваа студија се толкуваат дека се во согласност со
социотехничкото разбирање на безбедноста и заштитата при работа, како
и на безбедносната култура и преземањето ризици од страна на сите
инволвирани страни

Keywords:

безбедност и заштита при работа, челични
конструкции, вработени, процедури, обуки