Заштита при работа во пакувачката и производствената прехранбена индустрија

Abstract

Денес, светот живее во потрошувачко општество со „разгалени“ корисници кои од
производителите и давателите на услуги очекуваат нивниот производ или услуга да е во
согласност со трите основни детерминанти на современото живеење: квалитет – врвен, цена
– ниска, рок на испорака – веднаш. Отказите и неисправностите во текот на работата на
техничките системи (машини, апарати и уреди) негативно се одразуваат на целокупното
работење на компанијата. Во таков случај може да биде намалена количината за испорака,
да бидат произведени неквалитетни производи (шкарт) или термините за испорака на
производите или услугите да бидат поместени. Сите случаи на појава на неправилност или
отказ на техничките системи негативно влијаат врз конкурентноста на компанијата, при што
договорите со постојните клиенти пропаѓаат, со што се создава негативен имиџ за самата
компанија, која доколку не поседува ресурси (кадровски и финансиски) може да пропадне.
Главни причини, кои ја мотивираат организацијата, за да на безбедноста и здравјето при
работа му се придава примерно внимание, се законодавството, етичките и економските
причини, задоволството на вработените и угледот на организацијата. Во последно време,
ризикот од појава на неквалитетен и неконкурентен производ е сведе на минимум кај
повеќето современи компании со примена на соодветно одржување на техничките системи.
Вработените се најзначајниот дел во секоја организација. Во овој труд може да заклучиме
дека одредени параметри, како што се возраста и работното место, значително влијаат на
бројот на повредите во компаниите за пакување и производство на прехранбени производи,
додека полот на работниците нема значително влијание

Keywords:

Ризик, повреди,прехранбена индустрија, заштитни мерки.