Законското наследување во Република Северна Македонија и во Република Србија – заеднички особини и разлики во материјално правен и процесно правен аспект

Abstract

Во овој магистерска работа предмет на истражување ќе биде законското наследување, како
еден од основите за повикување на наследство и распределба на оставината по смртта на едно лице.
Во таа смисла, ке извршиме појаснување и дефинирање на одделни поими од наследното право во
позитивна а и во теоретска смисла а кои се во служба на дефинирањето на нашата тема со цел за
нејзино појаснување и разработка, но без навлегување во детали од тие области. Вниманието ќе
посветиме на законското наследување во Република Северна Македонија и неговите основни
карактеристики и на законското наследување во Република Србија и неговите основни
карактеристики, начелата прифатени во двете позитивни права, како и факторите за определување
на кругот на законските наследници, бројот на законски наследни редови, правилата кои се
применуваат при нивното повикување на наследство и утврдување на нивните наследни делови.
Во овој труд ќе се посвети внимание на законското наследување на нашата земја и
Република Србија како припадничк на истиот наследно-правен систем – континенталниот, па оттука
и да добиеме податоци за тоа како е уредено законското наследување во овие две држави, за да се
направи споредба и паралела во законското наследување во Република Северна Македонија и
Република Србија, па според тоа да се забележат сличностите и разликите помеѓу овие два
наследно-правни системи и да се дадат препораки за подобрување на откриените недостатоци.

Keywords:

Република Северна Македонија, Република Србија, Законско наследување,
оставител, оставина, наследници, наследни редови