Воведување на нов производ на пазарот, можност за зголемување на продажбата на компанијата, со посебен осврт на ЕКТО дизел горивото на компанијата Лукоил

Abstract

Претприемачките маркетинг стратегии денес, повеќе од било кога се изложени на едноставно и ефикасно воведување на нови производи на пазарот со што би си ја зголемиле продажбата, а со самото тоа би си ја зголемиле и заработувачката. За успешно креирање на маркетинг стратегија на претприемачките компании, тие несомнено, во својот концепт на работење, мора континуирано да го следат задоволството на купувачите од воведувањето на новиот производ. Во овој магистерски труд под наслов „Воведување на нов производ на пазарот, можност за зголемување на продажбата на компанијата, со посебен осврт на ЕКТО Дизел горивото на компанијата ЛУКОИЛ“, акцентот ќе биде ставен на важноста на воведувањето на нови производи на пазарот. Од огромна важност за секоја компанија е да има успешна маркетинг стратегија, со нејзино правилно управување ќе се реализираат натпросечни и посакувани резултати. Со воведувањето на новите производи кај потрошувачите се доживуваат различни нивоа на задоволство или незадоволство после секое купување и користење на новите производи, и во зависност од нивното задоволство и од тоа дали нивните очекувања се исполнуваат, можноста за зголемување на продажбата на компанијата е зависна од нивната реакција на новиот производ.

Keywords:

нов производ, пазар, продажба, маркетинг стратегии, маркетинг активности.