Влијанието на синдикатите во одбраната на работничките права и спречување на дискриминацијата

Abstract

Во овој магистерски труд го анализираме влијанието што синдикатите го имаат врз
заштитата и унапредувањето на работничките права, со фокус кон спречувањето на
дискриминација во Република Северна Македонија и пошироко. Истражувањето опфаќа
историски развој, правни рамки и нивната примена, како и анализа на судските предмети на
Европскиот суд за човекови права (ЕСЧП) кои се однесуваат на дискриминација и заштита
на работниците. Преку детаљно истражување на изгубените предмети од различни држави,
трудот идентификува недостатоци во постојните системи за заштита и нуди препораки за
подобрување, механизмите за заштита на работничките права.
Дополнително, трудот ја разгледува улогата на синдикатите во унапредувањето на
правната заштита, преку стратегии за превенција од дискриминација, поддршка на
колективни договори и промоција на еднакви можности за сите работници. Методологијата
опфаќа примарни и секундарни извори, како и компаративна анализа на правните рамки и
практиките во други држави, со цел да се оцени ефикасноста на синдикалните интервенции.
Резултатите покажуваат дека синдикатите, во комбинација со поддршката од правниот
систем и меѓународните стандарди, имаат клучна улога во подобрувањето на условите за
работа и спречувањето дискриминација.

Keywords:

синдикати, дискриминација, работнички права, правна заштита.