Влијанието на комуникацијата во услови на КОВИД криза

Abstract

Комуникацијата претставува тековен процес на градење на непрекината
врска помеѓу вработените во организациите. Комуникацијата е крвотокот на
организацијата и таа е клучна за зацврстување на работните односи во
компанијата, како и исполнување на работните обврски сѐ до зголемување на
профитот во една компанија.
Комуникацијата претставува успешно споделување на информации кои
треба да бидат јасни, навремени и точни. Вработените се душата на компанијата,
затоа е многу важно тие да бидат секогаш задоволни за да бидат посветени на
работата. Можеме да кажеме дека задоволството на вработените делува
позитивно врз посветеноста на вработените кон остварување на повисоки
перформанси.
Дури и во тешка економија, компаниите треба да инспирираат и да
одржуваат високи перформанси. Секако лидерите се свесни за значењето на
комуникацијата во организацијата и посветуваат големо внимание на неа, за да се
зголеми развојот на компанијата. Менаџерите треба да ги водат вработените кон
една единствена насочена цел – кон успех и развој на компанијата. Затоа треба да
го одбереме најдобриот начин на комуникација кој би ни донел и најдобри
резултати.

Keywords:

комуникација, ковид, комуникација.