Влијанието на глобалните тенденции врз ефективното работење на администрацијата

Abstract

Глобализацијата е трансформативна сила која ги преобликува политичките,
економските, социјалните и технолошките граници низ целиот свет. Тоа вклучува
подлабока интеграција на различни системи, вклучувајќи ги економските, политичките
и социјалните димензии. Процесот поттикнува зголемена меѓусебна поврзаност,
олеснувајќи го движењето на луѓе, стоки, услуги и информации.
Глобализацијата донесе значителни промени во јавната администрација,
особено во однос на управувањето засновано на перформанси, со фокус на мерливи
резултати, ефикасност и побарувачка за менаџерски вештини. Улогата на јавните
администратори сега бара приспособливост, соработка и иновации за справување со
глобалните предизвици кои брзо се развиваат.
Овој магистерски труд ги анализира ефектите на глобализацијата врз
ефикасноста, функционирањето и етичката динамика на јавната администрација,
фокусирајќи се на нејзиното влијание врз административните практики и односот меѓу
адмнистрацијатата и граѓаните. Клучните задачи вклучуваат дефинирање и
истражување на глобализацијата, нејзините историски и теоретски основи и анализа на
нејзиното влијание врз практиките на јавниот сектор и административните односи.
Тезата, исто така, се осврнува на предизвиците за одржување на ефективно владеење
во услови на глобални кризи како што се клинатските промени, миграцијата и
истражува стратегии за балансирање на глобалните императиви со локалните потреби,
истовремено обезбедувајќи го интегритетот на демократското владеење.

Keywords:

глобализација, јавна администрација, ефикасност, , етички
предизвици, управување со перформансите, меѓузависност, климатски промени,
корупција, владеење