Влијанието на факторите на работното место и човечките ресурси на безбедноста при работа во производствениот сектор

Abstract

Во современите пазарни услови на стопанисување безбедноста на работа
претставува предуслов за вршење на сите деловни активности. Со зголемувањето на
квалитетот на живеењето истовремено расте и заинтересираноста за безбедноста и
зачувувањето на здравјето на вработените. Важноста на овој аспект од стопанската
дејност е уште поголема кога ќе се земе предвид дека човекот е најважниот и
ненадокнадлив ресурс. Дијапазонот на истражувања од областа на безбедноста при
работа во последните неколку децении е многу широк, а меѓу многубројните трудови
од оваа област голем е и бројот на ангажмани во кои се проучуваат факторите кои
имаат најголемо влијание врз безбедноста при работа, а со самото тоа и врз
перцепцијата на самата проблематика од страна на вработените.
Некои експерти во прв план ги истакнуваат интересите и обврските на
работодавачите кои се должни да обезбедат здрави и безбедни услови за работа, затоа
што „само здрав работник може да донесе профит“. На одреден начин, овие две
сфаќања се втемелени во секој сегмент од безбедноста и здравјето при работа

Keywords:

безбедност и заштита при работа, фактори на безбедност и заштита
при работа, производствен сектор.