Влијание на социјалната дистанца врз холистичкото здравје на заедницата

Abstract

Во време на глобални пандемии и нови форми на физичка дистанција, влијанието на
социјалната дистанца врз холистичкото здравје на заедницата стана клучен истражувачки
проблем. Овој труд го анализира влијанието на социјалната дистанца и различни аспекти
на холистичкото здравје, вклучувајќи ги физичкото, менталното, емоционалното и
социјалното здравје. Преку анкетни податоци собрани од 123 испитаници, користени се
повеќекратна регресија и ANOVA анализи за тестирање на четири хипотези. Резултатите
покажаа дека социјалната дистанца има значително негативно влијание врз менталното и
емоционалното здравје, но не и врз физичкото здравје. Дополнително, позитивна
корелација беше забележана помеѓу менталното и физичкото здравје, укажувајќи на
важноста на менталната благосостојба за физичкото здравје. Овие наоди се значајни за
развојот на здравствени политики и стратегии за поддршка на заедниците во време на
социјална изолација и ограничени физички интеракции.

Keywords:

социјална дистанца, холистичко здравје, ментално здравје,
емоционална благосостојба, социјална благосостојба