Влијание на непаричните награди врз мотивацијата на вработените во приватните организации во Република Северна Македонија

Abstract

Успехот на секоја организација во најголема мера зависи од имањето на мотивирани
вработени кои се продуктивни и работат кон остварување на целите на
организацијата. Колку вработените се ангажираат во работата е резултат од нивната
мотивираност и од задоволството во работата што произлегува од сознанието на секој
вработен дека нивните остварувања се мерат и праведно се наградуваат.
Некои вработени се чувствуваат високо мотивирани од редовноста на платата, а други
пак силно се мотивирани од можностите да добијат бесплатни обуки, тренинзи, со кои
го зголемуваат своето знаење, се унапредуваат нивните кариери, и се чувствуваат
самореализирани. Некогаш добиената пофалба и усното признание за успешно
завршена задача имаат многу поголем мотивациски ефект одколку паричната награда.
Во трудов правиме обид да истражиме до кој степен се користат непаричните награди
во приватните организации и дали непаричните награди го имаат тој потенцијал да ја
зголемат мотивацијата на вработените во приватните организации исто колку што и
причните награди. Непаричните награди се начин кој ги поттикнува вработените да
посакаат подобро, да се трудат повеќе и да трошат повеќе енергија за остварување на
целите на организацијата. Непарични награди може да се каже дека се показател за
развојот и унапредувањето на една кариера. Најважно од сè е вработените да се
чувствуваат дека на нив се гледа како на човечки суштества, а не само како работна
сила.

Keywords:

непарични награди, мотивација, поттик, приватни
организации, човечки ресурси