Влијание на физичката активност врз стресот и анксиозноста кај адолесценти

Abstract

Во последните неколку години, зголемениот стрес и анксиозност кај адолесцентите
претставуваат значителен предизвик за нивната ментална и емоционална
благосостојба. Во светски рамки истражувањата покажуваат дека физичката активност
претставува голем потенцијал да го намали нивото на стрес и анксиозност преку
различни психолошки и биолошки механизми. Овој труд најпрво дава теоретски
преглед, а потоа преку емпириско истражување се стреми да го испита влијанието на
физичката активност врз овие два аспекта на менталното здравје кај адолесцентите.
Преку експлоративен теоретски осврт, релевантни истражувања, како и преку
емпириско истражување спроведено на примерок од адолесценти се анализираат
ефектите на физичката активност врз нивото на стрес и анксиозност. Добиените
резултати укажуваат на значајно намалување на симптомите на анксиозност и
подобрување на психолошката резилиентност кај оние кои практикуваат физичка
активност.
Овие наоди сугерираат дека физичката активност треба да биде составен дел од
стратегиите за намалување на стресот и анксиозноста кај младите, особено во
контексти на образовни институции и програми за ментално здравје.

Keywords:

стрес, анксиозност, физичка активност, адолесценти