Влијание на емоционалната интелигенција врз стрес кај воспитувачи во градинки: Состојби и интервенции

Abstract

Воспитувачите во градинките се многу значајни фигури во раниот детски развој, но
истовремено се изложени на значителен стрес поради природата на својата специфична
работа со деца. Овој стрес произлегува од интензивната емоционална исцрпеност,
одговорноста за децата, задоволувањето на различни индивидуални потреби и
очекувањата на родителите и секако општеството. Како резултат на сите овие фактори,
воспитувачите во градинките често се соочуваат со професионално согорување, што
негативно влијае на целокупната нивната благосостојба и секако на квалитетот на
воспитниот процес.
Емоционалната интелигенција (ЕИ) претставува современ концепт кој опфаќа
способност за препознавање, разбирање и управување со емоциите, како сопствените,
така и на другите луѓе. Истражувањата покажуваат дека лицата кои поседуваат повисоко
ниво на ЕИ полесно се справуваат со стресни ситуации и им се случува поретко да
доживуваат негативни психолошки последици.
Ова истражување е со цел да го истражи влијанието на ЕИ врз стресот кај воспитувачите
во градинки, како и да се предложат интервенции за развој на емоционалните вештини.
Интервенциите би можеле да вклучуваат обуки за ЕИ, техники за справување со стресот
и програми за подобрување на професионалната издржливост во градинките.
Темата е од особено значење и кај нас сеуште е недоволно истражена. Иако постојат
истражувања за стресот во образованието, малку од нив директно се фокусирани на
специфичниот стрес на воспитувачите во градинките. Ова истражување ќе придонесе за
пополнување на дополнителни научни сознанија од прелиминарен карактер во научната
литература.
Резултатите од истражувањето се индикатор кој ќе служи за подобрување на работните
услови и менталното здравје на воспитувачите во градинките, што би довело до
поголема смиреност, ефикасност и квалитет во нивното работење.

Keywords:

емоционална интелигенција, стрес, воспитувачи, градинки