Утврдување и промена на организациската култура на локалната самоуправа

Abstract

Oрганизациската култура е многу сложено прашање за функционирање на
државната администрација, како носител и иницијатор на сите промени, за да го
препознае квалитетот на животот во кој живеат членови на различни култури.
Организациската култура има важна улога во процесот на иницирање и
спроведување организациска промена. Односно, постојната култура на улоги,
карактеризирана со бирократизација, како и строгото почитување правила и
процедури, постепено да се заменуваат со културата-„задача“, во која повеќе се цени
резултатот, иницијативата и креативноста.
Културата е подигната како основна организациска карактеристика заедно со
структурата, стратегијата, контролата и други. Оваа улога ѝ е доделена заради
нејзината функција како главна рамка на членовите на организацијата за анализа на
она што се случува во неа, рамка што ги поставува вредностите и стилот на работа и
живот во овие организации, чувството за безбедност и личен комфор на членовите на
организациите.
Преку призмата на културата, луѓето во организацијата ја толкуваат секоја
специфична ситуација во која се наоѓаат и добиваат насоки за соодветен одговор.
Организациската култура се користи за објаснување на спецификите на процесите
во организацијата. Има значително влијание врз целите, ставовите, желбите,
мотивацијата и вредностите на вработените во организацијата; создава чувство на
заедништво, единство и идентитет на вработените.

Keywords:

Организациска култура, културен профил,
организација, вредности, промени, општина, раководители