Управување со одржување и безбедност при работа во процесот на производство на мебел

Abstract

Системот за одржување вклучува збир на различни активности и процедури чија задача е
да обезбедат правилно работење на комплексни технички системи и сигурност, односно
безбедност на функционирањето што треба да ја задоволи поставената функција на целта.
Системот за одржување на комплексни технички системи со посебна намена зазема важно
место во концептот на безбедна работа, поради што работата ја разгледува соодветноста за
одржување. Погодноста за ракување и одржување значително влијаат на ефективноста на
техничките системи. Стандардите дефинираат и пропишуваат модели за пресметување на
оваа значајна и комплексна карактеристика на техничките системи, која се состои од низа
параметри и фактори. Во трудот се анализираат: управувањето со одржувањето и
безбедноста при работа во процесот на производство на мебел, производство и логистички
барања за соодветност на одржувањето, кои треба да се земат предвид при проценка на
соодветноста на техничките системи за работа и одржување. Исто така, опишани се
техничките фактори кои ја карактеризираат посебноста на одржувањето на техничките
системи. Функцијата на безбедносната компонента на техничкиот систем се протега низ
сите фази на конструкцијата – од идејното решение, сè до развојот на модел или тип и
крајните проверки и тестови за степенот на безбедност на системот.
Безбедност во најопшта смисла е способноста на техничкиот систем да не предизвикува,
под одредени услови, критична или катастрофални настани. Појдовна точка за сите
безбедносни разгледувања и анализи е да се утврди целта на техничкиот систем и да се
исцртаат основните принципи на работа на идната структура. Безбедноста на техничкиот
систем систематски се проценува, заснована врз можни опасности, за што дизајнерот ги
анализира сите ситуации во кои се можни повреди или може да биде загрозено здравјето
на операторот (болести при работа). Проценката на безбедноста е суштината на
одржување на техничките системи без повреди на операторот, а тоа се постигнува со
предвидување на соодветноста за одржување.

Keywords:

одржување, повреди, безбедност