Управување и развој на организациската култура за зголемување на мотивираноста на вработените

Abstract

Глобалните економски, социјални и политички текови имаат силно влијание врз
развојот на обемот и структурата на организациските потреби. Современите организации
постојано бараат нови мотиви, нови алтернативи за подобро управување и развој на
организациската култура. Преку тоа ја зголемуваат мотивираноста на вработените и расте
конкурентската предност на пазарот. Во вакви околности, успехот на организацијата
зависи од нејзината конкурентската способност да понуди квалитетни производи и услуги
од една страна и да има задоволни вработени и потрошувачи, од друга страна.
Потврдено е дека организациската култура е неразделен дел во секоја организација,
и има клучна улога во глобалниот успех. Културата го изразува системот на заеднички
вредности, ставови, принципи и мисли на вработените. “Mногу често како
причина за пропаѓањето на најголем број на организации во криза се наведува
немањето на систем на вредности и верувања кои се во склад со барањата на опкружување
то” (Питер Дракер). Затоа се вели: “Доколку сакате усшешна компанија мора да изградите
јака организациска култура”. Преку неа се одредува амбиентот на работење, начинот на
донесување одлуки и начинот на кој тие се остваруваат. Културните вредности го
определуваат начинот на однесување помеѓу вработените, односот менаџер- вработен и
комуникацијата помеѓу деловните партнери. Создавање и одржување на стабилна и
позитивна организациска клима е основа за остварување на поставените организациски
цели. Стабилната и “цврста” организациска клима значи амбиент на меѓусебно
почитување на правата и обврските на вработените, постојано учење и трансфер на
знаење, развој на тимска работа. Според тоа, формирањето на организациската култура е
резултат на вештината на менаџерскиот тим во организацијата. Во магистерскиов труд
преку обработка на основните аспекти на организациската култура со теоретска анализа и
емпириски истражувања се согледуваат влијанијата на организациската култура за:
поголемо мотивирање на вработените, постигнување консензус и создавање фокус кон
важните цели, намалување на потенцијалните конфликти, задоволство на вработените и
развој на средина на учење, и намалување на флуктуацијата на вработените.

Keywords:

организациска култура, однесување, мотивирање, организациска
клима, вредности, ставови, тимско работење, креативност.