Унапредување на безбедноста при работа во металопреработувачките технолошки системи

Abstract

Производството како процес со обработка и доработка е еден од најважните
делови на технолошкиот процес. Во процесот на учеството на вработените во
металопреработувачките технолошки процеси се изложени на широк спектар на
опасности. Професионални опасности и штетности претставуваат сите појави кои го
загрозуваат животот и здравјето на вработените. За да се елиминираат или намалат
опасностите и штетностите на најмало можно прифатливо ниво, неопходно е да се
имплементираат мерки и механизми за безбедност и заштита при работа, како составен
дел на работниот процес и да претставува основен услов при продуктивноста.
Овој труд го презентира широкиот спектар на опасности и штетности во
металопреработувачките технолошки процеси во текот на производство, обработка и
доработка на метали, нивната следливост преку KPIs (Клучни индикатори за
следливост) и нивно менаџирање преку унапредување на системот за безбедност.
Како главна цел е дадено укажувањето на важноста од воведување на еден
сеопфатен систем на управување за безбедност при работа, кој овозможува стручно,
компетентно и добро раководење, организирање и примената на сите потребни мерки
за безбедност при работа во металопреработувачката индустрија.

Keywords:

метална индустрија, опасности и штетности, превенција,
преземени корективни мерки.