Улогата на полицијата во кривичната постапка

Abstract

Во овој магистерски труд се прикажува важноста на полициските дејствија во
самата кривична постапка. Посебно внимание е посветено на односите помеѓу Полицијата
и Јавното обвинителство, согласно Законот за кривична постапка, каде е неопходна
континуирана соработка на двата субјекти. Улогата на Полицијата во предистражната
постапка има пресудно значење за одвивањето на понатамошната кривична постапка.
Полицијата е таа којашто најчесто прва дознава за постоењето на кривично дело и
ги презема потребните мерки за докажување на истото, во координација со Јавното
обвинителство. Прибирањето на доказите кои ги обезбедува за да ја докаже вината кај
осомничениот или сторителите, треба да го прави на правно дозволен начин, сѐ со цел да
се заштитат основните човекови права и слободи. Непочитувањето и кршењето на
човековите права и слободи при собирањето на докази во предистражната и истражната
постапка го негира легалното стекнување на тие докази и поради тоа истите не можат и не
смеат да се употребат во водењето на кривичната постапка. Па така, за успешно
извршување на нејзините задачи, полицијата ги применува законски дадените
овластувања кои се опфатени во овој магистерски труд

Keywords:

полиција, полициски овластувања, кривични дела, јавен обвинител и
кривична постапка.