Улогата на менаџмент практиките за мотивација на вработените во мултинационалните компании

Abstract

Мотивацијата на вработените игра клучна улога во успехот на
мултинационалните компании, особено во контексти каде културните разлики и
разновидноста на тимовите претставуваат предизвик за менаџментот. Овој труд
истражува како менаџмент-практиките, организациската култура и поддршката влијаат
врз мотивацијата на вработените во мултинационални компании, со фокус на
McDonald’s рестораните во Германија.
Истражувањето е насочено кон разбирање на врските помеѓу индивидуалните и
професионалните аспирации на вработените и стратегиите за управување што ги
применуваат менаџерите. Дополнително, се испитува улогата на културните разлики,
јазичните бариери и лидерските пристапи во создавање продуктивна работна
атмосфера која го поддржува професионалниот развој.
Податоците беа собрани преку прашалници со вработени и менаџери,
користејќи структурирани прашања кои опфаќаат клучни аспекти на мотивацијата,
културната сензитивност и ефективноста на менаџмент-практиките. Трудот обезбедува
основа за понатамошни истражувања и предлага конкретни насоки за подобрување на
менаџментот во мултикултурни организации.

Keywords:

мотивација, организациска култура, мултинационални компании,
интеркултурен менаџмент, инклузивност, тимска работа, менаџмент-практики,
McDonald’s Германија