Улогата на извршителот во постапката на извршувањето, овластувања и надлежности

Abstract

Предмет на оваа истражување во оваа магистарска работа ќе биде работата
и улогата на извршителот во постапката за извршување, неговите овластувања и
надлежности, како и начинот за негово именување и разрешување.
Авторот најпрво ќе се задржи и ќе ги објасни условите за именување и
разрешување на извршителот како и кои дејствија ги презема истиот. Потоа ќе
бидат опфатени правните извори од кои произлегува одговорноста на самиот
извршител и на крај од оваа дипломска работа ќе биде објаснет начинот на
престанокот на дејноста на извршителот.
Извршител е лице кое врши јавни овластувања утврдени со закон, именуван
согласно со одредбите на Законот за извршување, кој директно одлучува за
дејствијата што треба да се преземат во рамките на неговите овластувања, за да се
спроведе извршна одлука. Со законот за извршување се уредуваат правилата
според кои извршителите постапуваат заради присилно извршување на судска
одлука која гласи на исполнување на обврска, освен ако со друг закон поинаку не е
определено.
Одредбите на Законот за извршување се применуваат и врз присилно
извршување на одлука донесена во управна постапка која гласи на исполнување
на парична обврска, освен ако со друг закон поинаку не е определено. Одредбите
на овој закон се применуваат и врз присилно извршување на нотарски исправи и
други извршни исправи предвидени со закон. Одредбите на овој закон се
применуваат и на извршување на брод и на воздухоплов

Keywords:

Извршител, Субјект, Постапка, Извршување