Стрес менаџмент и менаџирање на стресот кај вработените во приватните компании

Abstract

Магистерскиот труд со наслов: „Стрес менаџмент и менаџирање на стресот кај
вработените во приватните компании“ е значаен научен придонес кон големиот број на
релевантни истражувања во светот за дисхармонијата помеѓу деловниот и приватниот
живот, што ја условува појавата на стресот и кај вработените и кај менаџерите, именувана
како болест на 21-от век прогласена од страна на УНЕСКО. Денес, стресот доминира во
сите сфери на општеството, а стресот на работното место е еден од најголемите
причинители за професионални болести и боледувања кај луѓето; во Европа, до 3-4% од
националниот доход годишно се троши на психолошки проблеми поради стресот на
работното место.
Во теоретскиот дел на м-р труд беа опфатени следниве содржини:
-Етиологија на стресот (физички, физиолошки, психолошки, организациски последици на
стресот; и основните фази во појавата на стресот);
-Стресот на работното место во приватната компанија (причини и последици);
-Приказ на релевантни истражувања за стресот во светски рамки;
-Приказ на стратегии, превентивни мерки и техники во справување со стресни и
конфликтни ситуации во приватните компании;
-Менаџирање на стресот во приватните компании (личноста на менаџерот; стратегии во
добро менаџирање на стрес менаџментот во справувањето со стресот; со приказ на
примери на добра светска пракса од значење за менаџерите во приватните компании; како
и со примери на добра пракса во приватните компании во Р.Северна Македонија:
“Скопска пивара“; „Телеком“; „Алкалоид“; „Витаминка“; и „Мермерен комбинат“, кои
континуирано организираат тимски тренинзи и курсеви за своите вработени во обуки за
справување со стресот и конфликтите во работата и во приватниот живот)

Keywords:

Приватна компанија, раководен кадар, нераководен кадар, стрес, конфликт, работно
место, стратегии, превентивни мерки, програми, техники, менаџирање.