Стратегии и трендови во управувањето со човечките ресурси

Abstract

Во денешното динамично деловно опкружување, управувањето со човечките ресурси игра
клучна улога во успехот на организациите. Овој магистерски труд ги истражува клучните
стратегии и трендови во областа на управувањето со човечките ресурси. Едно од клучните
прашања со кои се соочува оваа област е привлекувањето и задржувањето на вработените.
Клучни стратегии кои се проблематизирани во трудот се стекнување и регрутирање
таленти, систем на наградување, воведување на нови вработени во работниот систем,
учење и развој и односи со вработените и решавање на конфликти. Трендовите опфатени
во теоретскиот дел од работата се хибридни форми на работа и работа од дома,
флексибилно работно време и брендирање на работодавачот. (Employer Branding)
Исто така, теоретскиот дел од магистерската работа дава преглед на тоа како се
перципираат активностите за брендирање на работодавачот во различни делови од светот
и колку е важно да се биде посакуван работодавач во денешниот модерен деловен свет.
Оваа теорија е тесно поврзана со целта и најголемиот проблем на денешните работодавци,
а тоа е привлекување таленти и задржување на постоечките. Понатаму, овој труд
претставува истражување кое анализира како вработените во компаниите во Република
Македонија ги перципираат проблемите и предизвиците претставени во теоретскиот дел
на овој труд. Во дискусијата и заклучокот, резултатите од истражувањето се споредуваат
со релевантните истражувања, а се претставени импликациите и препораките за идните
истражувања.

Keywords:

управување со човечки ресурси; стратегии; трендови; Employer
Branding