Современа биосензорска технологија и нејзина примена: анализа на говор и аудио-вештачка интелигенција

Abstract

Податоци за човековото однесување (Behavioral data) денес се нова нормалност. Тоа е напредна иновативна технологија која ги забрзува научните истражувања за препознавање емоции (emotion recognition technology). Софтверот за
биосензорски истражувања е извонредно корисна алатка за кодирање и опишување на однесувањето на испитаници и нивните емоционални реакции на точен и
квантитативен начин. Оваа напредна технологија обезбедува мултисензорна интеграција (multisensor integration) во една единствена компјутеризирана платформа, така што лесно може да се синхронизираат повеќе текови на податоци (multiple data streams): Следење на очи (Eye Tracking), електроенцефалографија (EEG),
електродермична активност EDA (Electrodermal Activity) и анализа на изрази на
лице (Facial Expression Analysis) преку екранска поставка на стимули во скоро
каква било форма, од слики, видеа и веб-страници, до поставки во реалниот свет
што нé опкружува.
Постојните традиционалните техники овозможуваат квалитативно и квантитативно мерење на когнитивни и емоционални искуства само како вербално изразени на свесно ниво за време на интервју или анкетирање. Наместо тоа, со користење на техники за снимање на мозокот, изрази на лице, следење на очи, елекродермална активност, отчукување на срце, процес на дишење, човечки говор и други,
може да се детектираат несвесни состојби поврзани со процеси кои имаат клучно
влијание врз човековото однесување, интегрирајќи ги и оние сознанија што може
се добиени со вербални или писмени декларации. Затоа, биосензорските истражувања се важно и револуционерно поле на научните истражувања, и се дефинирани како нејзина “нова димензија“. Денес биосензорските истражувања добиваат
силно внимание во корпоративниот свет.

Keywords:

вештачка интелегенција, говор, технологија.