Сликата за сопственото тело и самодоверба Кај лица кои следат интернет трендови на Исхрана

Abstract

Во денешното општество, социјалните медиуми и мрежи го имаат трансформирно
начинот на комуникација, споделување и дознавање на информации и начинот на
меѓусебно поврзување. Секако, сето ова се однесува и на темата здравје и исхрана. И
така, социјалните мрежи и интернетот, станаа места за споделување на трендови во
исхраната, интернет диети, совети за здравје и исхрана. За жал, сите овие нешта,
честопати се практикуваат од страна на многу лица. Истражувањата покажуваат дека
негативната слика за сопственото тело и ниската самодоверба го зголемуваат ризикот
од следење и прифаќање на потенцијално нездрави и несоодветни трендови во
исхраната. Овој труд најпрво дава теоретски преглед на поимите самодоверба, слика за
сопственото тело, и практикувањето на трендови во исхраната, а потоа преку
емпириско истражување сака да ја открие поврзаноста помеѓу сликата за сопственото
тело, самодовербата и ризикот од следење и прифаќање на потенцијално нездрави и
несоодветни трендови во исхраната.
Врската меѓу овие три варијабли се истражува прво преку теоретскиот осврт, и
заклучоци од релевантни истражувања, а потоа и преку емпириско истражување
спроведено на примерок од лица над 18 години, се анализираат поврзаностите меѓу
овие три варјабли. Добиените резултати укажуваат на поврзаност помеѓу сликата за
телото и практикувуањето на диети, а самодовербата покажува слаба, и статистички
незначајна поврзаност, само кај помладите испитаници.

Keywords:

слика за сопственото тело, интернет диети, трендови во исхрана,
самодоверба