Штетното влијание на индустријата врз работната средина и околината

Abstract

Штетното влијание на индустријата врз работната средина и околината претставува
актуелна и многу важна тема во денешново време, а безбедноста при работа и заштитата
на животната средина во современите услови за стопанисување е предуслов за вршење на
сите деловни активности.
Од тие причини, сѐ повеќе внимание се поклонува на здравјето и безбедноста при
работа, кое е резултат на строги нормативни барања и интереси на заинтересираните
страни, како што се: работодавачите, синдикатите, осигурителните компании,
здравствениот сектор и државата во прв ред, со цел намалување на бројот на повреди на
работа и боледувања, губење на работни денови, трошоци за осигурување, трошоци на
компаниите и трошоци на државата.
Со цел да се утврди штетното влијание на индустриите врз работната и животната
средина, неопходно е меѓу другото да се утврдат и да се анализираат повредите и
несреќите кои се јавуваат во процесот на работа како и загадувањето на екосферата.
Целта на истражувањето во овој труд е да се согледаат причините, условите и
параметрите кои влијаат на бројот на повредите и несреќите со смртни последици при
работа, како и важноста на концептот на одржлив развој во правец на заштитата на
животната средина Целта не се само бројки, туку добиените податоци да бидат
анализирани за да се добијат соодветни заклучоци, да се откријат слабостите и да се
предложат мерки за нивно надминување.

Keywords:

Повреди и несреќи на работно место, загадување на животна средина