Ризикот како елемент при управувањето со безбедноста на бензинските станици

Abstract

Зголемената индустријализација и сообраќајот, како и користењето на нафтата и
нафтените деривати, доведоа до зголемување на концентрацијата на штетните материи,
кои и во мали количини се покажало дека имаат значително штетно влијание врз
здравјето на луѓето, биосферата и материјалните добра.
Подобрувањето на безбедноста на бензинските станици е поврзано со
идентификување на потенцијалните опасности од запаливи течности и други опасни
материи, со добра законска регулатива и спроведување на потребните превентивни
мерки, примена на соодветни активности за време на транспортот и правилно полнење
на гориво.
Со елиминирање на потенцијалните опасности на работното место оператор на
бензинска станица и управување со ризиците при ракување со запаливи течности, се
постигнува поголема безбедност, односно заштита од пожар и заштита при работа на
бензинските пумпи, но и заштита на животната средина.
Со примена на ергономските принципи и континуирано унапредување на
работните процедури за безбедност и заштита при работа во голема мера ќе се намали
бројот и нивото на повреди на работа и разни несреќни ситуации.

Keywords:

безбедност на бензинските станици, опасности на работното
место оператор на бензинска станица, ергономски принципи, животна средина