Регулацијата и контролата во работата со хартии од вредност во Република Северна Македонија со осврт на овластените учесници

Abstract

Во трудот ќе се претстават и образложат прашањата на регулација и контрола на
работењето со хартии од вредност во Република Северна Македонија. Ќе се дефинираат
видовите хартии од вредност кои постојат на пазарот, потоа ќе се изврши нивна
класификација и ќе се разработат начините на издавање на хартии од вредност, како и
правата кои ги имаат сопствениците. Во трудот пошироко ќе се елаборира издавањето на
хартиите од вредност, законските издавачи, како и актите на издавање, што има посебно
значење за да се образложи и процесот на контрола на работењето со хартии од вредност.
Како клучна институција во работењето со хартии од вредност, ќе се презентира
поставеноста, улогата, функциите, надлежностите и овластувањата на Комисијата за хартии
од вредност на Република Северна Македонија. Во фокусот на анализата се ставаат
дејствијата, правото, надлежностите и функциите на учесниците на пазарот на хартии од
вредност, начините на формирање и улогата на пазарот, начинот на регулација и контрола
на овие дејствија. Поконкретно ќе се обработат Централниот депозитар за хартии од
вредност, Македонската берза, брокерските куќи, овластените банки, подружниците на
странски брокерски куќи, инвестиционите фондови и акционерските друштва со посебни
обврски за известување. Ќе бидат експлицирани и забранетите дејства со хартии од
вредност.

Keywords:

хартии од вредност, Закон за хартии од вредност, Комисија за
хартии од вредност на Република Северна Македонија, работење со хартии од вредност,
регулирање, контрола.