Регрутирањето на стручниот кадар како неопходен процес за поголема ефикасност на работната организација

Abstract

Општеството е сведок дека живееме и работиме во една крајно динамична средина, во која
постојано се случуваат промени. Промените кој се случуваат на локално но и глобално
поле во однос на економијата, иновативната технологија и нејзиниот развој, водат кон
креирање на нови цели и мисии на организациите а со тоа и развој на нови стратегии за
нивно остварување.
Менаџирањето со човековите ресурси претставува своевиден стратегиски пристап од
страна на раководните структури на организацијата. Овој пристап е насочен кон човечките
ресурси како највредниот елемент на организацијата наменет за остварување на
организациските цели. За разлика од минатото, денес во рамки на организациите се
очекува од вработените (на своето ниво на одговорност иницираат), да предлагаат или
креираат политики, иновации, идеи, на самата организација.
На овој начин се доаѓа до се поголема инволвираност на интелектуалниот капитал на
организацијата во рамки на истата. Овој капитал е составен од сите стручноспецијалистички знаења и вештини кој ги имаат вработените, и со кој може да се
постигне значителна предност на пазарот. Способностите и вештините на персоналот
треба да бидат препознаени првенствено во рамки на процесот на регрутација и селекција,
овозможувајќи на организацијата стручен кадар кој ќе може да ја подобри нејзината
ефикасност и продуктивност. Секое несоодветно регрутирање, селектирање или
менаџирање со човековите ресурси може да придонесе кон нарушување на
функционаноста не само на човековите ресурси, туку и на организацијата во целост.

Keywords:

процес на регрутација и селекција, кандидати, менаџмент, интервју,
тестирање, организација, цели, ефикасност, продуктивност.