Развој на електронската трговија и нејзиното влијание на економијата

Abstract

Значајна улога, во денес сѐ повоочливиот процес на глобализација, има развојот на
современите средства за комуникација, особено електронските, кои од темел ги менуваат
постоечките односи и сили на светскиот пазар. Величината на влијанието на развојот на
комуникациски и информатички средства на светската економија може да се забележи и по
тоа што навлегува во традиционалните работни интензивни дејности, односно дејности кај
кои претходно немало многу можности за примена на нова технологија. Трговијата е една
од таквите дејности. Во современото работење доаѓа до премин од механичка во
електронска фаза на работење, што доведува и до брзо продирање на техничкиот прогрес во
трговијата. Доаѓа до развој на електронски продавници, кои имаат значајна предност за
крајните потрошувачи, но се јавуваат и нови проблеми, поврзани за плаќањето и сигурноста
на трансакции кои се вршат на тој начин. И покрај тоа, обемот на малопродажни трансакции
кои се вршат преку Интернет е во постојан пораст. За нив е потребно обезбедување на
одредени предуслови, пред сѐ поврзани за електронскиот трансфер на финансиски средства,
со цел овој облик на малопродажба да се развие во значаен обем.

Keywords:

Трговија, продавници, продавачи, купувачи.