Право на правично судење со посебен осврт на еднаквост на оружјата во постапката

Abstract

Правото на правично судење претставува основен елемент на владеењето на правото и суштинска гаранција за заштита на човековите права во кривичната постапка. Во центарот на ова истражување е начелото на еднаквост на оружјата, кое бара процесна рамнотежа меѓу странките во постапката, особено меѓу обвинителството и одбраната. Овој магистерски труд ги анализира нормативните извори, судската практика на Европскиот суд за човекови права, како и националната законска рамка и практика на Република Северна Македонија. Преку теоретска анализа, компаративен пристап и студии на случај, се истражува како еднаквоста на оружјата се остварува во пракса, каде се појавуваат недостатоци и кои се можностите за унапредување на постоечките механизми. Трудот дава конкретни препораки за зајакнување на процесната еднаквост и ефективна имплементација на стандардите за правично судење.