Правна регулатива за склучување на брак и развод на брак од аспект на меѓународното приватно право и неговите колизиони норми

Abstract

Брак и развод во своите различни облици, може да се пронајдат во сите општества.
Институцијата брак има своја специфична историја и развој, се менувала и приспособувала
на општествените промени. И во најстарите заедници, мажите и жените се здружувале
заради обезбедување храна, место за живеење и потомство, што можело да се смета за
примитиван брак. Несогласувањата меѓу луѓето и разидувањето во поглед на заедничката
иднина, денес во главно резултираат со развод на брак. Иако тоа некогаш не било така честа
пракса, но сепак постоеле начини за развод на бракот. Денес, таа можност им е на
располагање на сите кои се наоѓаат во брак, па сведоци сме на се поголем број на разводи.
Во главно, тоа е последица на современиот начин на живот и зголемување на слободата на
поединецот, што резултирало со либерализација на правните норми кои го регулираат
прашањето за развод на брак. Прифаќањето на различни решенија во однос на регулирање
на семејната материја во националното законодавство, како и различни точки на врзување
во колизионите норми кои водат до други правни последици, човечката генијалност и желба
за профит направиле прописите на меѓународното семејно право, често да бидат изиграни.
Еден од начините за спречување на споменатата појава е унификација на националните
прописи, за кои не постои голем интерес.

Keywords:

Семејство, закон, земја, карактеристики.