Потрошувачкото однесување во индустријата за брза мода- студија на случај Zara и Shein

Abstract

Во март 2020 година беше прогласен глобален карантин – за прв пат по Големата криза,
индустријата се најде во ситуација која бара целосна трансформација на работењето.
Падот на продажбата, загубата на потрошувачи и другите негативни последици од
пандемијата не беа единствените проблеми со кои се соочи модната индустрија.
Модните трговци на мало западнаа во таканаречениот „маѓепсан круг“, каде што
непосакуваното надворешно опкружување последователно предизвика внатрешни
проблеми. Zara и Shein – претставници на брзата мода, станаа примери за важноста на
дигиталната продажба и брзината на добивање податоци на модните потрошувачи и со
имплементирање на различни маркетинг активности успеаја во рекордно време да се
вратат на нивоата на продажба пред пандемијата. Новото „нормално“ исто така бара од
потрошувачите да се приспособат и да го преиспитаат начинот на кој го
распределуваат својот приход.
Повеќето теории за однесувањето на потрошувачите, кога се применуваат во модната
индустрија, ги игнорираат спецификите на брзата мода како посебен ентитет во кој
важат малку поинакви правила. Разбирањето како се промени однесувањето на
потрошувачите со почетокот на пандемијата, проценката дали оваа промена е
привремена или трајна и како овие промени се пренесоа на македонскиот пазар, е една
од целите на спроведеното истражување. Преку пет тематски поделени поглавја, се
настојува да се анализира и опише како брзата модна индустрија, нејзините
претставници и потрошувачи „се справиле“ со новонастанатата пандемија и како
Ковид-19 влијаеше на македонскиот пазар на брза мода

Keywords:

брза мода, однесување на потрошувачите, Ковид-19, моден маркетинг