Потребата за увоз на работна сила во претпријатијата: Дефинирање на клучните параметри на управувањето со компетенциите на човечките ресурси

Abstract

Задачата на овој труд е да ги дефинира клучните параметри за управување со
компетентноста на човечките ресурси. Зборот компетентност значи квалификуван,
способен, додека компетенциите претставуваат збир на знаења, ставови и вештини кои
влијаат на конечниот резултат. Компетентноста игра значајна улога во квалитетот и
системот за управување со квалитетот. Компетентноста на една организација се состои од
посебни знаења и вештини што постојат во рамките на организацијата. Таа е тесно
поврзана со интелектуалниот капитал, кој е важно да се развива за да се постигне
конкурентска предност на пазарот. Клучен фактор за успешно работење на секоја
компанија се човечките ресурси со нивните знаења, способности, вештини и компетенции.
Управувањето со човечки ресурси е тежок и постојан процес, а мојата задача е да ги
истражам и дефинирам клучните параметри што се применуваат при управувањето со
компетентноста на овие ресурси.

Keywords:

компетенции, организациска компетентност, човечки ресурси,
параметри за управување со компетентноста на човечките ресурси