Постојаниот избран суд – арбитража при Стопанската комора на Македонија

Abstract

Во светот сѐ поприсутен е трендот, посебно меѓу трговските друштва, своите
спорови да не ги решаваат преку долготрајни судски постапки, туку по пат на арбитража,
медијација, порамнување и други алтернативни механизми на решавање на споровите.
Таквото решавање на споровите претставува, меѓу другото, дополнителна предност преку
добивање на ефикасни одлуки со истовремена заштита на време и средства, а странките
немаат чувство на победник и победен, туку како да се двострани победници во спор кој го
решиле од нив избрани арбитри, медијатори или посредници, односно арбитражата се смета
како еден вид на пријателски суд што го формираат странките, кои сакаат спорот да го
решат на заеднички прифатлив начин и тоа да нема влијание врз нивната понатамошна
деловна соработка.
Со сегашните законски и другите акти со кои се уредува домашната трговска
арбитража, подоцна и меѓународната трговска арбитража, во кои се вградени искуствата од
досегашното функционирање на арбитражите во светот, посебно во најразвиените земји со
пазарна економија, како и насоките за уредување на трговската арбитража утврдени во
Модел-законот на УНЦИТРАЛ, усвоен од страна на Обединетите нации во 1985 година,
обезбедена е конзистентна правна регулатива, според која стопанските субјекти можат на
најсоодветен начин да ги решаваат споровите кои настануваат во нивното деловно
работење.

Keywords:

арбитража, стопанска комора.