Положбата на република северна македонија кон надворешната политика од 1991 година до денес

Abstract

Во магистерската работа е анализирана надворешната политика на Република Северна Македонија од стекнувањето независност во 1991 година до современиот период. Истражувањето се фокусира на континуитетот и промените во надворешнополитичките приоритети, како и на предизвиците со кои се соочила државата во различни историски и политички контексти. Основната цел е да се објаснат клучните фактори што ја обликувале надворешната политика и да се процени нивното влијание врз меѓународната положба на државата, безбедноста и евроатлантските интеграции. Во рамки на трудот се применети методи на анализа и синтеза, компаративен пристап и анкетно истражување и со тоа се обезбеди интегрирано согледување на теоретските аспекти и практичните искуства. Главните резултати укажуваат дека надворешната политика на Северна Македонија постојано се движела меѓу ограничувањата на малата држава и стремежот кон интеграција во ЕУ и НАТО и дека најголемите предизвици биле поврзани со билатералните односи со соседите и регионалната динамика. Надворешната политика придонела кон зајакнување на меѓународната положба и безбедност на државата, но и дека остануваат нерешени прашања поврзани со односите со Бугарија и потребата од поактивно дипломатско присуство.