Политика на промоција на услуги во спортски институции во Руската Федерација- со посебен осврт на Тренинг Центар Тамбов

Abstract

Релевантноста на студијата се должи на фактот дека во современите економски
услови, научен и технолошки напредок и информативниот бум, во кој денес работат
руските институции, постои зголемена потреба за употреба на најновите економски
алатки, што можат да придонесат за прилагодување на работните односи со пазарот. Во
овие услови особено нагло се зголемува важноста на одлуките, донесени во областа на
маркетингот. Маркетингот е теоретска алатка за истражување на пазарот, како и за развој
на стратешки одлуки за управување. Во денешно време маркетингот станува составен дел
од животот на секоја институција. Во овој поглед, можна е успешна активност на
спортскиот центар за обука, пред сѐ во областа на организирање платени услуги, но само
со јасен фокус на потребите на потенцијалните потрошувачи. За ефективно спроведување
на планот за маркетинг-управување со институцијата, потребно е да се развие маркетингполитика на институцијата, што ќе овозможи утврдување на видовите услуги и ценовната
политика на организацијата.
Во контекст на тековната глобална економска криза и зголемената нестабилност
на дејноста, спортските установи прифаќаат различни пристапи, насочени кон
привлекување клиенти. Промоцијата станува главно средство за спротивставување на
конкуренцијата, наспроти постојаниот пораст на бројот на спортски организации и
мрежни структури, како и проширување на опсегот на спортски и здравствени услуги.
Но не сите спортски институции можaт целосно да ги искористат предностите на
модерното промовирање, насочено не само кон комуникација за придобивките од
услугите со клиентите, туку и за создавање побарувачка за овие услуги, земајќи ги
предвид карактеристиките на индивидуалните и корпоративни потрошувачи, како и за
поттикнување на рационални потреби на вторите. Ова се должи на фактот дека
потрошувачите во руски услови не секогаш им веруваат на маркетинг-информациите,
кои често ги добиваат и во нереална форма. Покрај тоа, раководителите на спортски
институции и нивните менаџери сè уште не ги совладале главните алатки за промоција и
практичните можности од маркетингот, што се должи на недостаток на знаење во оваа
област. Во државните институции ова се должи на фактот дека приоритет се дава на
бесплатните услуги (исполнување на државна или општинска задача), а платените услуги
се обезбедуваат во преостанатото слободно време

Keywords:

Политики, спортиски институции, трениинг центар.