Полициските кодекси за професионална етика, детерминанта за успешност во работењето на полицијата – компаративна анализа

Abstract

Полициската етика е релативно млада теоретска дисциплина, која е од особено
значење за функционирањето на едно демократско општество. Етиката претставува
значајна компонента и составен дел од полициската професија. Целта на ова
истражување е работата на полициските службеници и нивниот пристап кон граѓаните
во извршувањето на работните задачи, почитувајќи ги човековите права и слободи,
согласно одредбите од Уставот, законите и меѓународните договори, како и препораките
и прописите од Европскиот кодекс на полициска етика, и компаративна анализа на
полициските кодекси од балканските држави. Во овој труд е утврдено нивото на
полициска етика и моралот на полициските службеници во извршувањето на работните
задачи, системот на контрола на полициското работење, како и потребата од измени и
дополнувања на постоечките правила и прописи, врз основа на одредбите од Европскиот
кодекс на полициска етика, со единствена цел, да се зголеми довербата на граѓаните во
полицијата, а со тоа да се обезбеди посигурен и побезбеден живот во државата.

Keywords:

етика, полициските службеници, кодекс, граѓани, правила,
анализа