Организациската култура и коруптивните практики во невладините организации

Abstract

Зголемениот број на случаи на корупција и нејзините значајни последици за
невладиниот сектор ја наметна потребата од посветување на поголемо внимание на темата
корупција и одговорност меѓу невладините организации на сите нивоа. Целта на ова
истражување е да ја испита поврзаноста на два феномени: организациската култура и
корупцијата меѓу невладините организации. Истражувачкиот примерок го сочинуваат 72
испитаници од 12 невладини организации поделени во 4 групи по 3 организации, согласно
четирите видови на организациска култура: кланска, адхократска, пазарна и хиерахиска.
Испитаниците се со различна полова застапеност, возраст и образовно ниво и со најмалку
1 година на вработување во невладината организација. За собирање на податоците
користени се Инструмент за оценување на организациската култура (Organizational Culture
Assessment Instrument – OCAI) и Прашалник за организациски коруптивни практики.
Истражувачките резултати ги потврдија истражувачките хипотези и покажаа дека постојат
разлики во толеранцијата на коруптивните практики помеѓу организациите со различен
вид на организациска култура, освен помеѓу кланската и адхократската и помеѓу
пазарната и хиерархиската организациска култура, како и дека постои позитивна
поврзаност помеѓу степенот на доминација на кланската и адхократската димензија и
толеранцијата на коруптивни практики и негативна поврзаност помеѓу степенот на
доминација на пазарната и хиерархиската димензија и толеранцијата на коруптивни
практики.

Keywords:

невладини организации, организациска култура, димензии на
организациска култура, коруптивни практики, толеранција