Организациска култура, интринзичка и екстринзичка мотивација како предиктори за добросостојбата на вработените во организација

Abstract

Организациската култура и двата видови на мотивација се многу значајни и за
вработените и за менаџерите на една организација. Кога вработените во една
организација се задоволни, успешни и исполнети, тоа се одразува позитивно на самата
организација, па така истата ќе биде поуспешна. Знаејќи го сето ова, овие три фактори,
организациската култура и двата видови на мотивација, треба да се од голем интерес кај
секој менаџер и секој сопственик на организација, со цел успешност во работата. Така,
излегува и потребата од ова истражување, односно да се докаже дека организациската
култура и видовите на мотивација се предиктори за добросостојбата на вработените во
една организација. Во истржувањето учествуваа 30 вработени во приватна фирма, на
возраст од 20-50 година, 15 од машки пол и 15 од женски пол, сите со работен стаж
помалку од 20 години. Како мерен иструмент беа користени две скали, едната за
внатрешна и надворешна мотивација, а другата за согорување на работното место и
благосостојба на работното место. Од направеното истражување и анализа на
податоците дојдовме до следните заклучоци: Присутна е статистички значајна
поврзаност помеѓу мотивираноста и благосостојбата на вработените; Присутна е
статистички значајна разлика во aмотивираноста на вработените, согорувањето на
работно место и степенот на образование на ниво на значајност, што ни укажува на
податокот дека вработените кај кои е присутно отсуство на секаков вид на мотивација
се јавува согорување на работното место; Амотивираноста доведува до согорување на
работното место без разлика на степенот на образование. Со тоа ги докажавме трите
хипотези на ова истржување.

Keywords:

внатрешна и надворешна мотивација, интринзичка и
екстринзичка мотивација, организациска култура, степен на согорување на работно
место.