Организационата вклученост на вработените во предучилишните установи во развивањето на емоционалната интелигенција како значаен фактор за развојот на емпатијата кај децата од предучилишна возраст

Abstract

Овој магистерски труд го посветуваме на организационата вклученост на
вработените во предучилишните установи во развивање на емоционалната интелигенција
како значаен фактор за развој на емпатијата кај децата од предучилишна возраст, кој се
јавува како клучен фактор во воспитно-образовниот процес.
Под организациона вклученост на вработените во предучилишните установи се
подразбира активниот удел на градинките (државните и приватните) во процесот на
воспитување, едуцирање и создавање на културна клима и позитивна атмосфера за работа
со децата и нивното згрижување. Исто така, она што е посебно важно да се напомене е
начинот или приодот на оние коишто се наоѓаат во директен контакт со децата, а тоа се,
како што веќе рековме, воспитувачките, негувателките и стручната служба.
Конкретно, она што ќе биде фокуст во овој магистерски труд, покрај
организационата вклученост на вработените во предучилишните установи, како
круцијална појдовна точка се вработените (коишто треба да работат како тим) за
развивање на емоционалната интелигенција, емоционалната писменост и емпатијата во
нивниот развој и процес на спознавање и растење. Самиот наслов асоцира на нешто што
досега на нашиот простор е малку дискутирано, разработувано и анализирано. Затоа, овој
труд ќе се потруди да ги задоволи поставените критериуми и ќе даде позитивни,
ефективни и продуктивни резултати во врска со она што ќе се истражува и обработува.
Образованието кај децата започнува од најмали нозе, уште во предучилишното ниво, така
што во никој случај не може да се каже дека градинките не се примарен фактор за почетен
развој на емоционалниот и физички развој кај децата од предучилишна возраст.

Keywords:

деца, воспитание, емоционална интелигенција, емпатија, градинки,
организациона вклученост, воспитно-образовен процес.