Организација, стандарди, ефикасност и распределба на човечките ресурси во државната и јавната администрација

Abstract

Темата на овој труд се однесува на државната и јавната администрација (во натамошниот
текст: администрација), со поконкретен опфат на организацијата, стандардите,
ефикасноста и распределбата на човечките ресурси во истата. Како исклучително актуелна
и релевантна тема нејзиното истражување има стратешко значење. Организацијата,
стандардите, ефикасноста и распределбата на човечките ресурси во администрацијата е
широка област со големо поле на интерес доколку постои директна вклученост во
администрацијата или ако постои интерес за оние кои се занимаваат со оваа област.
Целта на овој труд е да се добие целосна слика на управувањето и воопшто
функционирањето на администрацијата, како и препознавање на мерки на реформи за
подобрување кои треба да бидат превземени за таа да биде поефикасна и правилно
распределена.
Во современи услови е потребно администрацијата да биде достоен сервисен центар на
граѓаните, кој треба да им помага своите права да ги остваруваат брзо и ефикасно, во
спротивно може да дојде до општо познатиот факт кој гласи: „Задоцнетата правда може да
биде најголема неправда“.
Темата е разработена од различни аспекти, вклучувајќи ги истражувањата за потребите и
барањата на луѓето, како и изучување на динамиката на трудот, креирање и
имплементација на политики и процедури при организирање, како што се планирање и
управување на човечките ресурси, создавање и спроведување на стандарди, ефикасност во
работата и распределба на човечките ресурси во администрацијата.
Исто така, темата е истражувана со ефикасност на различни мерки и активности кои се
преземаат за да се подобри организирањето и управувањето со луѓето во администрација

Keywords:

Организација, стандарди, ефикасност, распределба, човечки ресурси, државна
администрација и јавна администрација.