Односот помеѓу медијацијата и парничната постапка во Република Северна Македонија

Abstract

Основната цел на овој труд е да се анализира постоењето на медијацијата
како алтернативно решавање на спорови, а истовремено и да се направи компарација
со односот на парничната постапка. Во пракса постапката за медијација има
одредени недостатоци и потешкотии, и тоа најмногу во делот на нејзиното
прифаќање, во смисла на недоволна информираност на странките дека постапката
може да биде завршена побрзо и поекономично, во споредба со судската постапка.
Република Северна Македонија има задолжителна медијација со дефинирана
структура и практични решенија за ефикасна примена.
Од споредбата помеѓу постапката на медијација и парничната постапка ќе
видиме дека постапката на медијација претставува мирно решавање на спорот,
истата е економична, ефикасна, брза постапка, доброволна и се спроведува со цел да
се задржат или обноват добри односи помеѓу страните.
Од друга страна, судската постапка е јавна, а медијацијата е доверлива и се
спроведува надвор од очите на јавноста, воедно во медијацијата нема двостепеност,
како што е случај кај судската постапка. Во медијацијата страните во постапката го
бираат медијаторот, додека пак кај парничната постапка, странките немаат право да
го изберат судијата.

Keywords:

медијација, парнична постапка, Република Северна Македонија