Односот и поврзаноста помеѓу националните администрации со институциите на Европската Унија

Abstract

Институциите на ЕУ се еден од главните сегменти за разбирање на начинот на
функционирањето на ЕУ. Институциите на ЕУ го рефлектираат процесот на европската
интеграција, создадени врз основа на спорови и барање на начини за надмининување
на истите, преку процес на интеракција, рефлектирајќи ги нивните проблеми,
притисоци и моделите за реформи на истите. Институциите на Европската унија чија
цел е спроведување на заеднички политики и многубројни други активности со
стремеж постигнување на задоволувачко ниво на целите на интеграцијата како и
интересите на државите-членки на ЕУ, се предвидени во основачките договори.
Државите членки на ЕУ со посебни закони за државната администрација (или
служба – како што во повеќе евроспки држави се нарекува) самостојни ги имаат
уредено правилата, елементите и процедурите за вработување во државната
администрација. Во законодавството на сите држави-членки на ЕУ се содржат
законски прописи кои се однесуваат на условите и правилата за вработување во
државната администрација. Тие правила се содржани во разни законски акти поврзани
со државната администрација.
Една од главните алатки за анализа на организацијата а особено на
администрацијата во институциите на ЕУ се структурата, процесите и културата а тоа
се трите главни компоненти кои доминираат во организациската теорија. Овие три
доминантни компоненти не треба да се изучуваат и посматраат одвоено, туку како
начин и обид да се фокусираат на одредени аспекти на организациите како што е
администрацијата на ЕУ.

Keywords:

Институции на ЕУ, администрација, административни
стилови, административна култура на ЕУ – институциите