Несреќи и повреди во индустријата за обработка на стакло

Abstract

Секој поединец е носител на уникатни и неповторливи психофизички
карактеристики. Човековиот ангажман во процесот на работа креаира вредности и
затоа, човекот е претставува интерес за бројни истражувачи во областа на безбедноста
на работното место. Значителен е бројот на истражувања во последните децении кои
изучуваат фактори што имаат најголемо влијание врз безбедноста при работата, а со
тоа и врз перцепцијата на самата проблематика.
Безбедноста и здравјето при работа (БЗР) е интердисциплинарна област која се
занимава со превенција на професионалните ризици поврзани со секоја работна
активност, а главната цел на оваа област е поттикнување и одржување на највисокиот
степен на безбедност и здравје при работа, односно создавање услови за да се избегне
случувањето на несреќи при работа.
Целта на овој труд беше да се направи анализа на вкупниот број несреќи и
повреди и да се идентификуваат причините кои влијаат врз нив во индустријата за
обработка на стакло и да се посочат можни мерки за заштита кои треба да ги преземат
работодавачите и работниците за да се намалат или спречат тие појави. Ова
истражување покажа дека постојат значителни ризици за повреди во индустријата за
обработка на стакло, што беше генерална хипотеза на истражувањето.

Keywords:

несреќи, повреди, безбедност при работа, индустрија за стакло