Најчести повреди и заболувања при работа кај вработените во индустријата за храна со посебен осврт на повредите кај вработените во малопродажбата на храна

Abstract

Овој магистерски труд претставува научно дело кое има за цел да навлезе подлабоко во суштината на заштита на здравјето и безбедноста при работа воопшто, а особено во делот на заштитата на посебните категории вработени, како што се вработените во индустријата за храна. Во трудот детално се опишани и спроведено е истражување на повредите во индустријата со храна, со посебен осврт на малопродажбата на храна и ги опфаќаат сите повреди на работниците во текот на нивната работа, почнувајќи од полесни повреди кои не вклучуваат никакво отсуство од работа, до најсериозни повреди што резултираат со смртни случаи на работниците. Повредите поврзани со работата вклучуваат физички или ментални здравствени проблеми, предизвикани или влошени од работата. Во овој труд може да се најде палета на компаративни согледувања, како на меѓународен план, така и во регионални рамки и се опишани најчестите форми на болести поврзани со работата во индустријата на храна, како што се: најчести повреди и заболувања во примарното производство на храна, најчести повреди и заболувања при процесирање на храната, повреди и заболувања при дистрибуција и складирање, повреди и заболувања при подготовка на храна, повреди и заболувања во малопродажба на храна . Голем дел од овој труд се задржува на описот и посебната заштита на посебните категории вработени во индустријата за храна со акцент на малопродажбата на храна.

Keywords:

Повреди, заболувања, малопродажба на храна, вработени