Мотивација и задоволство од работата кај здравствените работници при Општа болница Гевгелија

Abstract

Мотивацијата и задоволството како процес којшто се одвива кај човекот
отсекогаш била инспирација за многу истражувачи и научници, пред сè, поради
нејзиното влијание врз различни аспекти од животот. Разбирањето на мотивацијата и
мотиваторите кај човекот даваат свое објаснување зошто постапуваме на одреден
начин, го дополнува разбирањето на човечкиот вредносен систем и етичките и морални
норми кои ги има, како од националните и културните комбинации, така и од
социјално-економските услови во кои живее.
Овој труд е обид да се опфатат основните трендови, карактеристики и
зависности меѓу појавите откриени во процесот на мотивација и задоволството за
активностите на луѓето и во делот за работното место, со посебен акцент врз
мотивацијата на болничкиот персонал во Општата болница – Гевгелија.
Македонија се ориентира кон членството во ЕУ, а со самото тоа ориентирање се
наметнува потребата од користење методи, средства и техники за обезбедување
квалификуван, продуктивен и мотивиран кадар, способен да ги реализира целите на
организацијата, но сѐ повеќе се наметнува и потребата од зголемување на ефикасноста
во управувањето со човечките ресурси со коишто располага една организација. Во овој
труд се посветува внимание и на методите во управувањето коишто се користат од
страна на менаџментот и раководните структури од здравствен аспект. Бројни примери
покажуваат дека едноставното копирање на методите не вродува со резултати и не ги
дава истите ефекти како кај оригиналниот извор, а со тоа да заклучиме дека
ефикасноста на еден или друг мотивационен систем во практика во голема мера зависи
од управувачките органи и дека мотивацијата и задоволството претставуваат основен
фактор за ориентацијата на персоналот кон поефективна работа.

Keywords:

вработени, ефикасност, задоволство, менаџмент, методи, мотивација,
човечки ресурси.