Мерки за безбедност и здравје при работа при поправка и одржување на средства и опрема за работа

Abstract

При секојдневното работење на стопанските субјекти од сите дејности, покрај
примарната цел (извршување на основната дејност) често е присутна потребата од
вршење поправки и одржување на опремата за работа како и поправка на работните
и помошните простории во работниот простор, поправка и одржување на разни
инсталации кои се изведени во конкретните простории и простори. Овие работи се
од широк дијапазон од аспект на потребното време за нивно извршување,
сложеноста на работата, потребата на ангажирање на специјалисти од една или
повеќе технички специјалности, потребата за отстранување од опремата на разни
супстанци (погонското тврдо, течно или гасовито гориво, разни масла и/или масти,
разладни флуиди и разни хемиски супстанци кои се од карактер на опасни и штетни
материи), демонтажа и монтажа на разни склопови и делови од опремата кои се со
голем габарит и тежина, потреба од користење на садови (боци) со разни
компримирани и/или некомпримирани технички флуиди, опрема под притисок,
вршење заварување и други работни постапки со ослободување на вжарени честици
и/или загреани или прегреани повшини (сечење, брусење) и сл. кои носат ризик од
опожарување.
Некои од дејностите во кои се врши поправка и одржување покрај мерките за
безбедност и здравје при работа бараат брзо, ефикасно и квалитетно извршување на
работата (на пример во производството на електрична енергија, топлификацијата,
електродистрибутивната и електропреносна мрежа, во комуналната сфера водовод и
канализација, во железничкиот сообраќај и сл.)

Keywords:

здравје при работа, опрема, средства.